Միջոցառում
Ընտանեկան երեկոյի հրավիրեք մեկ կամ երկու տատիկների ու պապիկների, հորաքույրների, քեռիների կամ տարիքով ընկերների: Խնդրեք նրանց պատրաստված գալ՝ պատասխանելու իրենց կյանքին վերաբերող հարցերի և բերել նկարներ ու հուշանվերներ: Դուք կարող եք նաև զանգահարել կամ Skype ծրագրով խոսել նրանց հետ: Հարցերի ցուցակը պատրաստեք նախապես: Պատրաստեք նաև ձայնագրման սարք, որպեսզի պահպանեք յուրաքանչյուր բառ, որ ձեր հյուրերը կասեն:
Բացատրեք ձեր ընտանիքին, որ դուք մեկ կամ երկու հատուկ հյուր եք հրավիրել, որ մի քիչ ավելին պատմի իր կյանքի մասին: Հրավիրեք ձեր ընտանիքի անդամներին հարցեր ուղղել իրենց հյուրերին նրանց կյանքի մասին.
Առաջարկվող հարցեր (դուք ևս կարող եք հարցեր ավելացնել այս ցուցակին).
1. Ի՞նչ է ձեր անունը, ազգանունը և ինչու՞ են ձեզ այդպես անվանել:
2. Պատմեք մեզ ձեր ծնողների մասին:
3. Ե՞րբ և որտե՞ղ եք ծնվել:
4. Դուք մկրտված ե՞ք որևէ հավատքում:
5. Որտե՞ղ էր ձեր առաջին տունը:
6. Որո՞նք են ձեր առաջին հիշողությունները:
7. Ի՞նչ է ձեր եղբայրների կամ քույրերի անունները:
8. Ի՞նչ եք դուք արել մանկության տարիներին զվարճանալու համար:
9. Դուք ունեի՞ք որևէ ընտանեկան պարտականություն, որը չէիք սիրում անել:
10. Որո՞նք էին ձեր սիրած մանկական խաղերը:
11. Որտե՞ղ եք դուք դպրոց հաճախել:
12. Ովքե՞ր էին ձեր ընկերները:
13. Դուք մասնակցում էի՞ք միջոցառումների կամ սպորտային խաղերի:
14. Դուք ստացել ե՞ք հատուկ պարգևներ:
15. Նկարագրեք ձեզ որպես չափահաս երիտասարդ:
16. Ի՞նչ աշխատանքներ եք դուք ունեցել:
17. Ինչպե՞ս, ե՞րբ և որտե՞ղ եք հանդիպել ձեր ապագա ամուսնուն կամ կնոջը:
18. Որտե՞ղ և ե՞րբ եք դուք ամուսնացել:
19. Պատմեք մեզ ձեր ընտանիքի մասին:
20. Նկարագրեք այն ժամանակը կամ տեղը, որտեղ ապրելիս դուք հիշում եք, որ զգացել եք իրական խաղաղություն և երջանկություն:
Խնդրեք ձեր հյուրերին պատմել ձեզ իրենց սիրած խաղի մասին, որ նրանք խաղացել են մանուկ ժամանակ և թող սովորեցնեն ձեզ՝ ինչպես խաղալ այն:
Սեր և երախտագիտություն արտահայտեք ձեր հյուրերի հանդեպ: Եթե հնարավոր է, նկարվեք նրանց հետ: Գրանցեք բոլոր հիշողությունները մի հատուկ օրագրում և դրեք նրանց հետ նկարված մի քանի համապատասխան նկար: Կամ սկսեք գրել ձեր ընտանեկան պատմությունը www.familysearch.com կայքում:
Ձեր ընտանիքի անդամների հետ քննարկեք, թե ավելի շատ իմանալով իրենց բարեկամների մասին, ինչպիսին է նրանց վերաբերմունքը այս մարդկանց և ձեր ընտանիքի հանդեպ:
Պատրաստեք ձեր հյուրերի սիրած ուտելիքը: Կամ օգտագործեք հետևյալ բաղադրատոմսը:
Հյուրասիրություն. Շոկոլադի պուդինգ
Հաստ հատակով կաթսայի մեջ միասին խառնեք.
6 ճաշի գդալ շաքարավազ
3 ճաշի գդալ օսլա
Մի պտղուց աղ
1 ½ ճաշի գդալ կակաոյի փոշի
2 ½ բաժակ կաթ
1 թեյի գդալ վանիլին
Եփեք միջին կրակի վրա, անընդհատ խառնելով, մինչև խառնուրդը թանձրանա, մոտ 4-5 րոպե: Հեռացրեք կրակից: Ավելացրեք 1 բաժակ մանրած շոկոլադ և 1 ½ ճաշի գդալ կարագ: Խառնեք, մինչև համասեռ դառնա: Լցրեք մի քանի բաժակների մեջ և սառեցրեք 1 ժամ:
